வேலை என்ற பெரிய பொறுப்பு
சில நேரங்களில் மிருதுவாய்
பூப்போல் மேலே உதிரும்
நாம் செய்தோம் என்ற திருப்தி தரும்
சில சமயங்களில் பாறையைப் போல
மேலே விழுந்து அழுத்தும்
சிறையில் அடைத்து வைத்தார்ப்போல்
திணற திணற அடிக்கும்
ஒரு நாள், ஒரு மணி நேரம், ஒரு நொடி
கிடைக்குமா என்று ஏங்க வைக்கும்
அந்த நொடி கிடைத்தாலோ
மறுபடியும் கலங்க வைக்கும்
வேலையே இல்லையோ நமக்கு!
என்ற பயம் ஒரு புறம் இருக்க
வேலை வெட்டி இல்லாதவள்
என்று ஊரே பழிக்கும்
என்னடா சோதனை சாமி இது
இருந்தாலும் இல்லை என்றாலும் கஷ்டம்
எவ்வளவு பெரிய ஆளாக இருந்தாலும்
திரு திரு என்று முழிக்க வைக்கும்!
No comments:
Post a Comment